Уг хурлаар БСТ-ийн өөрийн явуулж буй сургалт ба үйл ажиллагааныхаа тайланг тавьж, мөн ирэх жилийн турш хийхээр төлөвлөсөн төлөвлөгөөгөө танилцууллаа. Мөн хурлаар 2010-2011 оны санхүүгийн гүйцэтгэл ба 2011-2012 оны хичээлийн жилийн санхүүгийн төсвийг баталлаа.
Жил бүр манай сургуулийн удирдах зөвлөлд гишүүд 1-3 жилийн хугацаатай сонгогддог бөгөөд энэ 2011 онд сонгуульт хугацаа дууссан болон өөрийн хүсэлтээр УЗ-ийн ажил үүргээ хүлээлгэн өгсөн 5 хүний оронд нээлттэй сонгууль явуулсан болно. Энэхүү сонгуульд 10 хүн нэр дэвшсэн бөгөөд хамгийн их санал авсан 5 нэр бүхий гишүүдээс 1 хүн 3 жил, 2 хүн 2 жил, 2 хүн 1 жилийн хугацаатай сонгогдсон болно. Харин 6 дах хүн нь үндсэн гишүүдээс хэн нэгэн байхгүй үед орлох эрх бүхий орлогч гишүүнээр сонгогдсон болно.
БСТ-ийн 16 дах бүх гишүүдийн хурлаас гаргасан шийдвэрийг үндэслэн жилийн тайлангийн хурлыг жил бүрийн 5-р сарын 3 дах долоо хоногийн баасан гарагт 17:00 цагт хийж байхаар тогтсон болно.
18 дахь удаагийн жилийн тайлангийн хурал 2012.05.18-ний 17:00 цагт БСТ-ийн хүндэтгэлийн зааланд болно.
